Eng. Departments‎ > ‎Architecture‎ > ‎Activities‎ > ‎

ئامادەکاری بۆ خوێندنی ماستەری هاوبەش لە نێوان زانکۆی سلێمانی و زانکۆی BtU (بەشی ٢)

posted Jul 3, 2017, 10:38 PM by Sherko Kader   [ updated Jul 12, 2017, 4:13 AM ]
لە دریژەی چالاکییەکانی نێوان هەردوو بەشی تەلارسازی لە زانكۆی سلێمانی و فاكەڵتی  تەلارسازی و پلاندانانی شارستانی  لەزانكۆی براندنبۆرگی تەكنیكی BtU  ئەڵمانی دەربارەی دەستبەكاربوونی خوێندنی ماستەر بە شێوازی هاوبەش لە سەر ڕێڕەوی بوڵۆنیای نێودەوڵەتی، لە بەرواری ٢٠١٧/٦/١٩ تاوەکو ٢٠١٧/٦/٢٢ ۆرکشۆپێک سازدرا بە شێوازی (Block-seminar) لەسەر ئاستی بەش.

ناوەرۆک و بابەتی سیمینارەکان بەڕێوەبرا لە لایەن مامۆستایانی زانکۆی براندنبۆرگ (Christoph Wessling) و (Barbara Witt) و مامۆستایانی بەشی تەلارسازی (Ahmad Qadir) و (Ari Nihad) و لەگەڵ کۆمەڵێك لە خوێندکارانی قۆناغی پێنجەمی بەشەکە. 

ۆرکشۆپەکە لەسەر ٢ تەوەرە کاری بۆ کرا کە بریتی بوون لە (Contextual Architecture) و (Conservation & Architecture) کە تایبەتە بە ناسینی ناسنامەی نەتەوەی خەڵک لەسەر ئاستی شارەکەیان و چۆنیەتی کارکردن لەسەر پاراستنی ئەو بەشە جیاوازانەی کە ئەم ناسنامەیە دیاری دەکەن.