رۆژی پێنج شەممە بەرواری ٤/٨/٢٠٢٢ لە بەشی ئەندازیاری کارەبا کۆتا رۆژی سێ خولی زانستی کرا بۆ خوێندکارانی بەش لە بوارە تایبەتەکانی کارەبا (وزەی خۆر، دیزاینی نەخشەی کارەبا، مایکرۆکۆنترۆلەر بە ئاردوینۆ). بە ناوی ڕاگرایەتی کۆلێجی ئەندازیاری سوپاس و دەسخۆشی لە بەشی کارەبا و ئەو سێ مامۆستا بەرێزە دەکەین کە هەستان بە ئامادەکردنی ئەم خولانە وپێشکەشکردنی وانەکانیان بێ کەم کوری و تایبەتی لەم هاوینەدا و گشت خوێندکارانی خولەکە بە پابەندبوونیان بە دەوام لە گشت رۆژانی خولەکە. وەک رێزلێنانێک بۆ مامۆستیان و بەشداربوانی خولەکە، بڕوانامەیان پێبەخشرا کە بەسەرکەوتوانە کۆتایان بە خولەکە هێنا. هیوادارین گشت مامۆستا و خوێندکارانمان سەرکەوتووبن.

ئەم خولانە ئامادە کراون بە مەبەستی: پەرەپێدانی یادەوەریی خوێندکارە ئازیزەکانمان لەم پسپۆڕییانەدا و دانانی بەردی بناغە بۆیان بۆ دۆزینەوەی هەلی کار لە داهاتوودا. ئەم خولانە لە داهاتوودا پەرەیان پێدەدرێت بۆ ئەوەی ئەزموونی زیاتریان هەبێت و ئەو خوێندکارانەی پێشتر دەرچووبوون و ئەو بەرێزانەی ئارەزووی ئەم بوارەیان هەیە بگرێتەوە.

یەکێ لە چالاکیەکانی بەشی کارەبای کۆلێجی ئەندازیاری، ئەنجامدانی گەشتێکی زانستی بۆ وڵاتی ئەڵمانیا لە لایەن گرووپێک لە مامۆستا و خوێندکارە یەکەمەکانی بەشی کارەبای کۆلێجی ئەندازیاری/زانکۆی سلێمانی بۆ ماوەی حەفتەیەک لە رۆژی ٢٨/٤/٢٠٢٢ و گەڕانەوەیان لە رۆژی ٥/٥/٢٠٢٢، بە سەرپەرشتی سەرۆکی بەشی کارەبا و مامۆستای بەش م. رێبوار عمر. ولە خوارەوە وردەکاری گەشتەکەیە.

ڕاگرایەتی کۆلێجی ئەندازیاری سوپاسی بەشی کارەبا دەکات وگشت مامۆستا و خوێندکاران کە بەشداربووان لە ئەنجامدانی گەشتەکە بە رێکوپێک و سوپاسی گشت لایەن دەکات کە هاوکار بوون بۆ سەرخستنی گەشتەکە و سوپاسی سەرۆکی زانکۆ دەکەین بۆ گشت پاڵپشتی وهاوکاری.